തിരുവനന്തപുരം:ഡോ കെ അയ്യപ്പപ്പണിക്കരുടെ ജന്മവാര്‍ഷികത്തോടനുബന്ധിച്ച് സെപ്തംബര്‍ 8,9 തീയതികളില്‍ തിരുവനന്തപുരത്ത്  യുവകവികള്‍ക്കായി ഒരു ദ്വിദിന കവിതാക്യാമ്പ് സംഘടിപ്പിക്കുന്നു. ക്യാമ്പില്‍ പങ്കെടുക്കുന്നവരുടെ കവിതകള്‍ ഒരു വിദഗ്ധ സമിതി പരിശോധിക്കുകയും തിരഞ്ഞെടുക്കപ്പെടുന്ന രണ്ടു കവിതകള്‍ക്ക് പുരസ്‌ക്കാരമായി 25,000- രൂപ തുല്യമായി വീതിച്ചു നല്‍കുകയും ചെയ്യും.പങ്കെടുക്കാന്‍ താല്‍പര്യമുള്ള 18 നും 23 നും ഇടയില്‍ പ്രായമുള്ള യുവകവികള്‍ സ്വന്തം കവിതയുടെ ഒരു മാതൃകയും മലയാളത്തിലെ പൂര്‍വകവികളുടെ കവിതകളില്‍ തനിക്ക് ഏറെ ഇഷ്ടപ്പെട്ട ഒരു കവിതയുടെ പകര്‍പ്പും സഹിതം സെക്രട്ടറി, അയ്യപ്പപ്പണിക്കര്‍ ഫൗണ്ടേഷന്‍, ശ്രീചിത്തിര തിരുനാള്‍ ഗ്രന്ഥശാല ബില്‍ഡിംഗ്, വഞ്ചിയൂര്‍ പി ഒ, തിരുവനന്തപുരം 695 035 എന്ന വിലാസത്തി ആഗസ്റ്റ് 15 നു മുമ്പ് ലഭിക്കത്തക്ക വിധം അയയ്ക്കണം. 

പങ്കെടുക്കുന്നവര്‍ വിദ്യാര്‍ഥികളാണെങ്കില്‍ അത് സാക്ഷ്യപ്പെടുത്തുന്ന സ്ഥാപനാധികാരിയുടെ കത്തും ഒപ്പം അയയ്‌ക്കേണ്ടതാണ്.

ക്യാമ്പില്‍ താമസം, ഭക്ഷണം എന്നിവ സൗജന്യമായിരിക്കും.