ആദ്യമായി സ്‌നേഹം യാചിക്കുന്നു
അവസാനമായി സ്‌നേഹം യാചിക്കുന്നു
എന്നും എപ്പോഴും അലങ്കാരങ്ങളില്ലാതെ
യാചിക്കുന്നു.
എന്റെ മുടിക്കെട്ടില്‍ നിന്ന്‌
എന്റെ പ്രേമമായ കൃതികളില്‍ നിന്ന്‌
എന്റെ വയസ്സറിയിച്ച കുട്ടികളില്‍ നിന്ന്‌
ഓര്‍മയുടെ പട്ടികളില്‍ നിന്ന്‌
`കുരയ്‌ക്കുവിന്‍
കുരയ്‌ക്കുവിന്‍'
എന്ന്‌
പാടിക്കൊണ്ട്‌
ഞാന്‍ കിടക്കുന്നു
ഞാന്‍ രാത്രിയും പകലും പ്രണയത്തോടെ
ജീവിച്ചു.
എന്നാല്‍, എന്റെ പ്രണയം പറവകളായി
കടല്‍ത്തീരത്തും
കാട്ടിലും കൂടുകിട്ടാതെ പറന്നു.