തിരുവനന്തപുരം: പെരുമ്പാവൂരിലെ നാഗഞ്ചേരിമന മലയാറ്റൂര്‍ രാമകൃഷ്‌ണന്റെ സ്‌മാരകമാക്കുന്ന കാര്യത്തില്‍ നഗരസഭയുമായി ആലോചിച്ച്‌ തീരുമാനമെടുക്കുമെന്ന സാംസ്‌കാരികമന്ത്രി എം എ ബേബി നിയമസഭയില്‍ അറിയിച്ചു. 150 വര്‍ഷം പഴക്കമുള്ള മന മറ്റ്‌ ആവശ്യങ്ങള്‍ക്കൊന്നും ഇപ്പോള്‍ ഉപയോഗിക്കുന്നില്ല. ഈ മന നഗരസഭയുടെ ഉടമസ്ഥതയിലാണ്‌. ഇവിടെ മ്യൂസിയം, പാര്‍ക്ക്‌, അക്വേറിയം എന്നിവ നിര്‍മിക്കുന്നതിനുള്ള സാധ്യത പുരാവസ്‌തു വകുപ്പ്‌ പരിശോധിക്കുമെന്നും മന്ത്രി അറിയിച്ചു.സാജുപോളിന്റെ സബ്‌മിഷന്‌ മറുപടി പറയുകയായിരുന്നു മന്ത്രി.