തിരുവനന്തപുരം: സംസ്ഥാനത്ത് നെല്പ്പാടങ്ങള് നികത്തുന്ന ഭൂമാഫിയകള്ക്കെതിരെ സര്ക്കാര് ശക്തമായ നടപടി സ്വീകരിക്കുമെന്നു മന്ത്രി കെ പി രാജേന്ദ്രന് നിയമസഭയെ അറിയിച്ചു. നെല്വയല് നീര്ത്തട സംരക്ഷണ നിയമമുപയോഗിച്ചു ഭൂമാഫിയ നികത്തിയ നെല്പ്പാടകങ്ങള് സര്ക്കാര് പൂര്വസ്ഥിതിയിലാക്കിവരികയാണെന്നും മന്ത്രി പറഞ്ഞു. പി സി ജോര്ജിന്റെ സബ്മിഷനു മറുപടി പറയുകയായിരുന്നു മന്ത്രി. ആക്കുളത്തു തണ്ണീര്ത്തടം നികത്തിയ സംഭവവുമായി ബന്ധപ്പെട്ടു ആരെങ്കിലും വീഴ്ച വരുത്തിയിട്ടുണ്ടെങ്കില് ശക്തമായ നടപടി സ്വീകരിക്കും.
നിയമം നിലവില് വന്നശേഷം നെല്പ്പാടങ്ങള് നികത്തിയശേഷം 11,000 കേസുകള് സര്ക്കാര് തീര്പ്പാക്കിയെന്നും കെ പി രാജേന്ദ്രന് പറഞ്ഞു. സുപ്രിംകോടതിയുടെ അന്തിമവിധിയ്ക്കു വിധേയമായി സെക്രട്ടേറിയറ്റിലെ സെക്യൂരിറ്റി ജീവനക്കാരുടെ പ്രമോഷന് നടത്തുമെന്നു ജോര്ജ് മേഴ്സിയറിന്റെ സബ്മിഷനു മറുപടിയായി മുഖ്യമന്ത്രി വി എസ് അച്യുതാനന്ദന് നിയമസഭയെ അറിയിച്ചു. |
കേരളം
Home
