തെങ്ങിന്റെ മാരകമായ ഒരു കുമിള് രോഗമാണ് ``ചെന്നീരൊലിപ്പ്'' ഇതിനെ സ്റ്റം ബ്ലീഡിങ്ങ്, കറചാട്ടരോഗം, `ഗമേമാസിസ്'' എന്നെല്ലാം പറയും. കേരളത്തിലെ എല്ലാ തെങ്ങിന് തോട്ടങ്ങളിലും ഈ രോഗം വരും. എല്ലാതരം മണ്ണിലും വളരുന്ന തെങ്ങിന് ഈ രോഗം വരാറുണ്ട്. എന്നാല് കൂടുതലായി വരുന്നത് വെട്ടുകല് മണ്ണിലും മണല് മണ്ണിലും നദീതടങ്ങളിലെ തോട്ടങ്ങളിലുമാണ്.
``തെയ്ലാവിയോപ്സിസ് പാരഡോക്സ്സാ'' എന്ന കുമിളാണീരോഗത്തിന് കാരണം. ഈ രോഗം വന്നാല് വേറെ ചില കുമിള് വകഭേദങ്ങളും വരാറുണ്ട്. തെങ്ങിന് തടിയിലുണ്ടാവുന്ന മുറിവിലാണ് ഇതിന്റെ സ്ഥാനം. നീണ്ടവേനലിനുശേഷം വളരുന്ന കനത്തമഴയും കനത്ത ജൈവ രാസവള പ്രയോഗവും രോഗത്തിന് വളംവെക്കും. തെങ്ങിന്റെ തടിയില് കറുത്ത് തവിട്ടുനിറത്തിലുള്ള അടയാളങ്ങള് വരുന്നു. ഇത് തെങ്ങിന് തടിയുടെ ചുവട്ടിലാണാദ്യം വരിക. തെങ്ങിന് തടിവിണ്ട് കീറി, ചുവപ്പ് കലര്ന്ന തവിട്ടുനിറത്തിലുള്ള കറ ഒലിച്ചിറങ്ങും. ഇതിന്റെ നിറം കാലക്രമേണ ഇരുണ്ടതായി വരും. വിള്ളലുകള്ക്കക്കത്തുള്ള ഭാഗം ചീഞ്ഞ് തുടങ്ങും. തെങ്ങിന്റെ ഉണര്വ് നശിച്ച്, അവസാനം തെങ്ങ് നശിക്കും. വിളവില്ലാത്തയവസ്ഥയിലെത്തും. ജൂണ്-ജൂലൈ മാസങ്ങളിലാണ് ലക്ഷണം കാണുക. തെങ്ങോല മഞ്ഞളിച്ച്, വാടി, ഉണങ്ങുന്ന ലക്ഷണവും വരാറുണ്ട്. ഇതിനെ തടയാന് എന്താണ് മരുന്ന്, എന്നു പരിശോധിക്കാം.
* തെങ്ങിന് തോട്ടം വൃത്തിയാക്കി നിലനിര്ത്തുക
* രോഗംവന്ന തെങ്ങിന് തടിയിലെ ഭാഗം ഉളിയുപയോഗിച്ച് ചെത്തി നീക്കി, ഉരുക്കിയ ടാറോ, ബോര്ഡോ കുഴമ്പോ, പുരട്ടിയിടണം. ഇതിനുപകരം 5 ശതമാനം വീര്യം വരുന്ന ``ട്രൈഡിമോര്ഫ്'' ചേര്ത്ത് പുരട്ടിയിടണം.
* 5 കിലോ ഗ്രാം വേപ്പിന് പിണ്ണാക്ക് ഓരോ തെങ്ങില് ചുവട്ടിലും ചേര്ക്കുക
* ട്രൈഡി മോര്ഫ് (5%) വര്ഷത്തില് മൂന്ന് പ്രാവശ്യം തെങ്ങിന്റെ വേരുവഴി ചേര്ക്കുക. ഏപ്രില് മെയ്, സെപ്റ്റംബര് - ഒക്ടോബര്, ജനുവരി - ഫെബ്രുവരിയില് ഇത് ചെയ്യണം.
* ``ട്രൈഡി മോര്ഫ്'' അല്ലെങ്കില് കാലിക്സ്സിന്'' 25 മില്ലി 25 ലിറ്റര് വെള്ളത്തില് കലക്കിയത് തെങ്ങിന് ചുവട്ടിലെ മണ്ണില് ഇളക്കിചേര്ക്കണം.
* മഴക്കാലത്ത് ശരിയായ നീര്വാര്ച്ച വേണം
* വേനലില് ആവശ്യത്തിന് നനയും നല്കണം |
കേരളം
Home
