പാലക്കാട്: കേന്ദ്രസര്ക്കാരിന്റെ ജനദ്രോഹനയങ്ങള്ക്കെതിരായും കേരളത്തിലെ എല് ഡി എഫ് സര്ക്കാരിന്റെ ഭരണനേട്ടങ്ങള് വിശദീകരിച്ചു കൊണ്ടും എല് ഡി എഫ് നടത്തുന്ന മധ്യമേഖല ജാഥയ്ക്ക് തൃത്താല പടിഞ്ഞാറങ്ങാടിയില് ആവേശോജ്വല തുടക്കം.
സി പി ഐ സംസ്ഥാന അസിസ്റ്റന്റ് സെക്രട്ടറി കെ ഇ ഇസ്മയില് ക്യാപ്റ്റനായ ജാഥ പ്രഫ. എന് എം ജോസഫ് ഉദ്ഘാടനം ചെയ്തു. വി ചാമുണ്ണി അധ്യക്ഷത വഹിച്ചു.
സി പി എം ജില്ലാ സെക്രട്ടറി പി ഉണ്ണി സംസാരിച്ചു. വി കെ ചന്ദ്രന് സ്വാഗതം പറഞ്ഞു. പാലക്കാട്, തൃശൂര്, എറണാകുളം, ഇടുക്കി, കോട്ടയം ജില്ലകളില് പര്യടനം നടത്തുന്ന ജാഥയില് എം വി ജയരാജന് (സി പി എം), എസ് സത്യപാല് (ആര് എസ് പി), അഡ്വ. ജോര്ജ് തോമസ് (ജനതാദള്), ഉഴവൂര് വിജയന് (എന്സി പി), എന് വി പ്രദീപ്കുമാര് (കോണ്ഗ്രസ് -എസ്), സ്കറിയാ തോമസ് (കേരള കോണ്ഗ്രസ്) എന്നിവര് അംഗങ്ങളാണ്.
ജാഥ ഇന്ന് രാവിലെ പത്തിന് പട്ടാമ്പി, പകല് 11ന് ഷൊര്ണൂര്, 12ന് ഒറ്റപ്പാലം, മൂന്നിന്് മണ്ണാര്ക്കാട്, വൈകിട്ട് നാലിന്് കോങ്ങാട് എന്നിവിടങ്ങളിലെ സ്വീകരണത്തിനുശേഷം അഞ്ചിന് പാലക്കാട് സ്റ്റേഡിയം ബസ്സ്റ്റാന്ഡില് സമാപിക്കും.
വെള്ളിയാഴ്ച രാവിലെ പത്തിന് ചിറ്റൂര്, പകല് 11ന് നെന്മാറ , 12ന് ആലത്തൂര്, മൂന്നിന് തരൂര് എന്നിവിടങ്ങളിലെ സ്വീകരണത്തിനുശേഷം വൈകിട്ട് നാലിന് തൃശൂര് ജില്ലയിലെ ചേലക്കരയില് പ്രവേശിക്കും. |
കേരളം
Home
